Sunnudagsbíltúr

Já, við skruppum í bíltúr hér um litlu eyjuna okkar, Fyn. Keyrðum suður til næststæstu borgarinnará Fyn, Svendborg. Alveg æðislega fallegur staður, og þar eru hólar og hæðir!!! Danmörk á sko alveg til brekkur, þið kynnist því um leið og þið hjólið hér. Já, við röltum um á mjög fallegri strönd þarna í Svendborg,og fundum einnig Antik-markað, sem var í íþróttahúsi, vorum næstum búin að kaupa okkur stofuborð frá árinu 1900, en ætlum aðeins að hugsa málið, fengum nafnspjald frá Antíksölunni. Svo sem nóg af fínu og flottu dóti þarna, fallegar standklukkur (eitt af því sem mig langar hryllilega mikið í), matarstell og margt fleira. Svo keyrðum við
lengri leið aftur til Odense. Æi, það er allt svo fallegt á svona dögum, þegar sólin skín en samt er kalt. Og ágætt að keyra í gegnum þessa ekta dönsku smábæi, sjá gömlu dönsku býlin og gömlu myllurnar.
....sé að við verðum að vera duglegri við að keyra um á sunnudögum,
þar sem lítið annað er að gera þá!...Allt lokað!

-srosin-