Jæja, nú er að hefja venjulega rútínu lífið aftur

Já, Siggi, Inga og Magnea Arna fóru fyrir um hálftíma síðan, það var pínu erfitt að kveðja, og þá sérstaklega fyrir þau yngri, Nökkvi og Nadía voru dálítið aum eins og ber að skilja. En þau eru nú bæði í fríi í leikskólanum í dag svo það ætti að vera hægt að jafna sig. Reyndar eru þau úti á línuskautum núna.

Enn skín sólin og er bara vonandi að hún skíni sem mest, held barasta svei mér þá að maður hafi aðeins tekið smá lit í gær, eða kannski er ég bara skítug....hehe... Ég mun einungis vera í skólanum á morgun og miðvikudag því við fáum smá extra tíma til að leysa verkefnin okkar sem koma í næstu viku og þarnæstu viku, sem sagt tvær verkefnavikur framundan, það er annars vegar þessi tölvuleikur sem ég hef minnst á og svo hins vegar svona uppkast af heimasíðu fyrir fyrirtæki sem er með uppákomur hér á sumrin, Miðaldarhátíð, ekki ólíkt Víkingahátíðinni í Hafnarfirði. Heimasíðan verður aðallega dæmd fyrir hönnunina, og einnig þurfum við að gera logo fyrir þetta fyrirtæki. Já, ætli sé ekki best að fara gera eitthvað í þessum verkefnum....það þýðir lítið að bíða eftir að eitthvað gerist.

-srosin-