Vikubyrjun

Í dag byrjuðum við fyrsta daginn af fimm að læra hljóðtækni, þ.e.a.s. læra um mismunandi hljóðnema, hljóðið sjálft og svo einnig að vinna með hljóð við myndir eða tölvuleiki. Svo þurfum við einmitt að setja hljóð inn á tölvuleikinn sem við erum að búa til. Þetta er bara þónokkuð gaman. Við heyrðum reyndar af því að kennarinn okkar í markaðskönnunar-tímanum er á sjúkrahúsi og mun taka einhverjar vikur í að jafna sig, vitum ekkert meir, en kennsla í þeim tímum mun falla niður þangað til annar kennari finnst.Manni er nú ekki alveg sama um kennarana sína svo ég vona bara að það sé ekkert alvarlegt.

Hér er ein heitasta sveit Danmerkur í dag, Saybia, virkilega fín sveit, endilega segið mér hvernig ykkur líst á.

-srosin-