Jæja, þá er kennslu næstum lokið.....

Við mætum þó á morgun í skólann og fáum að vita.......púff.....hvert viðfangsefni stóra verkefnisins verður! En hópurinn minn, ég og Laura höfum ákveðið að taka nýjan meðlim inn. Hún heitir Francis, við erum pínu hræddar við að vinna með henni því hún er pínu þrjóskukind, en þar sem við erum það einnig og tvær í þokkabót, þá hlýtur þetta að ganga, eða það vona ég allaveganna. En annars höfðum við úr nógu fólki að velja því það virðist eins og margir séu hópalausir núna en við eigum að vera búin að ákveða hópa fyrir morgundaginn. Svo hefst þessi þriggja vikna vinnuvika, úff, þá verður nóg að gera, get ég sagt ykkur.

Nú er alveg að verða ljóst hvaða dag við munum koma til Íslands, en líklegast verður það 18.júní. Ekki laust við að ég hlakki til að hitta ykkur, og það er sko eins gott að einhver nenni að djamma eða fara út að borða eða á kaffihús, því annars fer ég bara strax aftur til DK!!! Eruð þið að hlusta, ha???? Það þýðir sko ekkert að hafa afsakanir og þurfa gera eitthvað annað....Hlustið nú!!!!!!

Jamm, annars er ekki svo mikið að frétta, í gær var bongoblíða, 22 stiga hiti, í dag er rigning, ja eða allaveganna blautt en þó hlýtt. Ingvi karlinn hoppar hérna um, greyið fatlafólið....vona bara að þetta fari að batna hjá honum grey-skinninu.
Einnig er blessað netið að stríða....það er svona upp og ofan, tekur eigin ákvarðanir og hefur blogger.com líka tekið upp á þessu...vildi ekki hlýða um daginn, en svo prufaði ég að færa mig yfir í Netscape og þá hlýddi hann!!

.....tölvur og þeirra vandamál, hvur fann eiginlega upp á þessum vandræðagrip, ég bara spyr!!!

jæja, ætla að fara þykjast vera dugleg og þrífa blessaða kotið okkar....

seeya.........-srosin-