Helginni lokið og kominn aftur dýrindis mánudagur.....

Föstudagur:
Inga mágkona afmæli, til hamingju Inga!
Skrapp í bíó með Freyju, bara svona stelpukvöld. Fórum á caféBiografen sem er eins og nafnið gefur til kynna kaffihús og bíó. Við völdum okkur einhverja norræna mynd sem vann einhver verðlaun í Cannes, heitir Reconstruction. Hún var sýnd í STÓRA salnum, sem er nú eins og minnsti salurinn í Háskólabíói...eða næstum. Við vorum sestar í sætin eins og allir hinir og þá var byrjað að sýna úr myndinni, og það á frönsku!! Við litum á hvora aðra og sprungum gjörsamlega úr hlátri, svona "non stop" hláturskast þar sem við máttum ekki líta á hvora aðra án þess að grenja úr hlátri. En svo byrjaði myndin og viti menn....hún var á sænsku og við sprungum enn meir, þar til að fólk var farið að segja "hold kjaft" hihihi....við reyndum þá að stilla okkur. En annars horfðum við á myndina til enda og um hana er að segja að hún er mjög sérstök, mjög svona listræn, tökurnar rosalega flottar og fær fólk aðeins til að hugsa um annað en ameríska formúlumynd. Alla veganna mæli ég með að fólk sem hefur áhuga á öðruvísi og jú, fallegri kvikmyndagerð kíki á þessa. Eftir myndina var náttúrulega kjörið að setjast á kaffihús og blaðra.

Laugardagur:
Við, Freyja og krakkarnir fórum í loppemarkets leit og fundum eitthvað draslerí, ljós og gamla saumavél. Enduðum svo með krakkana í Løvens Hule, sem er svona leikland svipað og í Smáralindinni. Þar sitja foreldrarnir og spjalla á meðan, ja, eða reyna það fyrir hávaða, okkur datt í hug að koma bara með svona útvarpstæki á eyrun eins og maður var með í frystihúsinu...hehe hefði verið skondin sjón.

Sunnudagur:
Mamma afmæli, til hamingju mamma!
Skundað á Antiksölur en í þetta skiptið með Bryndísi. Fórum víða en keyptum ekkert, allaveganna ekkert dótarí bara svona matarkyns. Svo um kveldið var elduð sunnudagssteikin, reykt skinka...mmmm.

Mánudagur:
Rétt hafinn....búin að skutla strákunum í skólana sína, fer til doksa á eftir og svo bara að læra til tilbreytingar!! :S

Jæja, góðar stundir.
luv.Srosin