Ég var skömmuð í gær :S

Já, mér leið eins og sex ára í skólanum mínum í gær. En við vorum að hefja okkar fyrsta tíma í Director og áttum að vera búin að kaupa bókina. En jú, ég er nú búin að panta blessuðu bókina og það fyrir þremur vikum síðan... nú er Amazon eitthvað að klikka á því... og hvað fæ ég í staðinn... jú bara "skamm, skamm, skamm". Það væri jú, sniðugast að taka upp tólið og hringja í Herra Amazon athuga hvar blessuð bókin sé niðurkomin í heiminum! En ef einhver hefur óvart fengið Director kennslubók... endilega láta mig vita...

En svo gerðist sá sorglegi atburður að yngsti herramaðurinn var að borða íslenskt ættað cheerios í morgun og tók allt í einu eftir að lausa tönnin hans (nr.2) var dottin, og var bara hvergi í cheeriosinu, nú eru góð ráð dýr... enginn tannálfur. Eins og skilja má var morguninn eyðilagður hjá sumum, ekkert nema snökt í öðru hvoru skrefi...

...spurning hvort tannálfurinn hafi orðið óþolinmóður og bara komið í nótt og hreinlega tekið tönnina...já, það fer að líða að mánaðarmótum... hann hefur eflaust tekið eitthvað á Visa...
...best að segja Nökkva frá þessari uppgötvun minni!!

Setti inn nokkrar myndir í myndamöppuna.

Hils, luv.
Srosin