Vá, stór dagur liðinn og jú nóg eftir af helginni!

Já, maður grét pínu, pínu í gær yfir brúðkaupinu, aðallega vegna þess að Frikki fór að gráta, meiri dúllan.

En hann fékk nú hana Mary til að gráta, síðar um kveldið. Hann hélt þessa æðislegu ræðu þið getið lesið hana hér. Hann talaði fyrst til John Donaldson, nýja tengdóinn, þakkaði honum fyrir og svona og sagði svo falleg orð eins og "she belongs to me know" hehe.. hún er bara einhver eign hún Mæja. En svo endaði hann á því að tala til fallegu brúðar sinnar og þá fór hún að skæla. Endaði þá ræðu á þessum orðum:
"Jeg elsker dig Mary - kom lad os gå, kom lad os se - gennem tusind verdener venter vægtløs kærlighed".
Hver myndi ekki gráta??

...og svo lét hann alla skála fyrir henni. En svo er víst einhver siður að brúðhjónin verði að ná að dansa brúðarvalsinn fyrir miðnætti. Allt fína fólkið var samankomið í þessum fína danssal til að bíða eftir valsinum... en þau létu bíða eftir sér og sá maður að karlinn sem var að skipuleggja hvar allir áttu að standa (sæta/standaskipan-karlinn, já hann var eiginlega farinn að henda gestunum til og frá, prinsessur og prinsar fengu næstum að fljúga um salinn. En þau nýgiftu rétt náðu að dansa fyrir miðnætti...tvær mínútur í komu þau og Frikki datt næstum í lokin.


En af öðru, júróvisjón í kveld. Í því tilefni ætlum við að safnast saman hjá Freyju og Gumma og liggja á glugganum til að horfa á imbann. Borða íslenskt hangikjet, uppstúf og nýbakaðar flatkökur...mmmmm... vantar BARA maltogappelsín. En þetta verður hörkufjör þó ég hafi ekki mikla trú á sigur hjá Íslandinu... er það ekki bara einkennisorðin "Bara að vera með" -sem duga hér!

~*~Srosin~*~