Elska það að vera til á svona dögum

Þegar maður vaknar til þess að fara út í sumarið, rölta á grænmetismarkaðinn og kaupa ferskt grænmeti og ávexti, allt undir berum himni. Þetta gerir maður svo sem ekki ýkja oft á Íslandinu því um að gera að njóta þess hér.
Undirrituð, Nökkvi og Þóra fórum í gönguferð um bæinn í dag. Byrjuðum á áðurnefndum grænmetismarkaði og nutum þess að versla inn. Síðan lá leið okkar á Loppemarked... þar sá ég BARA eitt sem mig langaði rosa rosa rosalega í... jú, jú, minn ástkæri Volvo Amazon stóðst til boða. Ég var of mikill kjúklingur til að leggja inn tilboð en ohhh, hvað hann var flottur, ryðlaus "67árgerð antikhvítur... LANGAR Í HANN.
Eftir Loppemarkaðinn röltum við meðfram Odense ánni og í næsta Bakarí. Fundum svo fallegan garð þar sem við settumst niður í sólinni og borðuðum nesti eins og allir hinir Danirnir. Nökkvi fór að sulla og kom svo til okkar skrítinn á svip... júbb, hann datt á rassinn beint í ánna, hehehe... en sólin þurrkaði buxurnar á smá tíma.

Ætla fara liggja í leti og njóta þess að vera til, kannski fá sér einn svellkaldann Odense Classic í tilefni sumarblíðunnar.

~*~Srosin~*~