Enn ekki mikið að gerast

Já, ég er nú bara að spyrjast fyrir um vinnu hér og þar og vonandi kemur eitthvað í ljós, þó það sé nú ekki draumastarfið í fyrstu. Hef trú á því að það komi þegar það á að koma. En auðvitað væri gott að fara fá einhverja vinnu.

Af Nökkvanum er fínt að frétta. Þegar ég sótti hann í gær kom lítil sæt stelpa til mín og sagðist vera frænka hans Nökkva. Ég sagði bara "nú, er það, ertu viss um það?" "já, sko amma mín og langamma hans, þær eru systur" og ég varð alveg orðlaus, sex ára skvísa þuldi bara upp ættfræðina... hehe... svo ég hérna háfullorðin og vitlaus fór heim og kannaði málið.. jú, jú, hún er nú bara að segja nákvæmlega rétt, þetta er semsagt frænka okkar Nökkva, eins og hún sagði er Bertha amma hennar systir hennar Sigurrósar ömmu. Mér fannst þetta bara magnað að þó svo að pabbi hennar væri búinn að segja henni þessi tengsl að hún skuli muna þetta... Nökkvi man nú varla hvernig við erum skild... hehe... segi nú svona...

~*~Srosin~*~