ahhhhhhh *Geisp*

Já, það var dálítil þreyta í morgun, var meira segja alvarlega að íhuga að skrópa í gymminu... til allra lukku potaði engillinn á öxlinni minn í mig, komst svo af því að ég var ekki sú eina sem var nærri búin að freistast... því hún Una mín kom nánast með augun lokuð í ræktina! hehe... en svona erum við líka duglegar! En til allra hamingju var fröken Hress.is að kenna... fjúúúkkkett... vöknuðum aldeilis við það!

En tónleikarnir í gær voru hreint út sagt frábærir. Ég fékk alveg gæsahúð þegar Andrea tók lagið Cry me a river... vá hvað hún er stórkostleg söngkona. Mæli eindregið með að allir kíki á þessa tónleika, síðari tónleikarnir eru á sunnudagskveldið í Hafnarborg, Hafnarfirði. Frábært, hreint út sagt. Svo var skondið að alltaf kannast maður við einhvern einhversstaðar... og þannig var það nú líka í Gospelsystrunum... þekkti eina... já, hún Palla sem bjó í Odense og flutti með okkur heim, hún var þarna og söng úr sér hjartað... glæsilegt! Já, og svo má nú ekki gleyma meiriháttar stjórnandanum, Möggu Pálma, hún er BARA snillingur... þvílíkt lífleg og óhrædd við að syngja með sínu nefi og gerir það með einstakri prýði.

En svo rakst ég á myndlistasýningu þarna í Hafnarborg, alveg rosalega flott málverk eftir listakonuna Valerie Boyce, ég væri til í að skoða þá sýningu nánar en held reyndar að sýningunni ljúki á mánudaginn.... þá verður maður bara að vera extra menningaleg um helgina!

En jæja, aðrir tónleikar í kvöld... greinilega nóg að gerast á Íslandinu, gaman af því !

S r o s i n