Hressari í dag

Eða það vona ég nú allaveganna... dagurinn leggst ágætlega í mig, svo sem nóg að gera, vinna, kaupa afmælisgjöf, fara með Nökkvann á fótboltaæfingu og í afmæli þar á eftir... ágætt að hafa eitthvað að gera, maður metur það eftir að hafa verið svona atvinnulaus í langan tíma. Já, þó ég vinn heima þá er ég nú að vinna!
Fer einmitt á tónleikana hjá þeim Gospelsystrum annað hvort á fimmtudaginn eða sunnudaginn, fékk miða þar sem ég er að vinna í verkefni fyrir þær. Það verður eflaust gaman, Andrea Gylfa verður gestasöngkona og hún klikkar nú varla! Svo bara fleiri tónleikar... þetta verður semsagt tónleikavika... því á föstudaginn förum við Ingvi á Nýdönsk og Sinfóníuna... hlakka mikið til.
En fyrst ég er öll í tónlistinni þessa vikuna þá verð ég að linka á hann Jónas Sig. Baunabúa, komst að þessu flotta lagi hans hjá honum OlavHressa. Svakalega kúl lag hjá Jónasi, gefum honum gott klapp *klapp*

Jæja, hætt í bili...

S r o s i n