Bíóferð

Jább, gerði mér dagamun frá sjónvarpsglápi og fór í bíógláp, dró ræktarböddíið mitt með, þ.e.a.s. Unu. Eftir dálitla óákveðni og vangaveltur hvaða mynd ætti að sjá (kemur á óvart hjá VOG) ákváðum við að skunda á Aviator með Leonardo DiCaprio. Myndin er tilnefnd til 11óskarsverðlauna og eftir að hafa séð hana þá kæmi það mér á óvart ef hún fengi færri! Stórmynd og frábærlega leikin, og þá sérstaklega Leo og Cate Blanchett sem fara á kostum. Fannst þetta samt heldur löng mynd, en það gæti líka bara verið ég, þar sem ég beið ansi lengi eftir hléinu eftir að hafa innbyrgt hálfum líter af Fresca... ;)
En mæli með þessari og þá eiginlega nauðsynlegt að sjá hana í bíó.

Næsta mynd sem ég ætla mér á er Meet the Fockers , sem er náttúrulega mynd af allt öðrum toga en Aviator... en eftir að hafa séð fyrri myndina, Meet the parents þá held ég að maður verði ekki svikin af þessari.

Já, svo er alltaf eins og menningin hellist yfir mann í einum skammti... fer á danssýningu á sunnudagskveldið... en get lítið annað sagt um það þar sem ég veit ekki einu sinni hvað ég er að fara sjá... en hlakka þó til ;) hehehe

S r o s i n