Jahá

Ekki laust við að maður fái nett nostalgíukast núna. Er að horfa á Pixies-tónleika á Rúv. Fékk Doolittle diskinn í jólagjöf þegar ég hef verið um fjórtán-fimmtán og vá, það var sko spilað þau jólin... sko disk en ekki á spil!

Græt það enn að hafa ekki spanderað í eins og einn-tvo flugmiða árið 2004 til að koma heim á tónleika Violent Femmes og svo Pixies... djö. fóru örlögin með mig þá... héldu mér í Danaveldi, ég sem hafði dreymt um tónleika með þessum sveitum síðan ég var bara unglings-písl.

En HEY, kannski maður nái að sjá þau einhvern daginn á tónleikum, þau hljóta fylgja þessu eftir með tónleikaferðalagi, ef þessi frétt er sönn. Ég lifi í það minnsta í voninni ;)

Kveðja, S r o s i n
........ sem ætlar að halda áfram að horfa á tónleikana og fljúga aftur í tímann, inn á Setberg 7, í bílskúrinn með Pioneer fermingagræjurnar í botni, þar sem píslin er að fíla sig í botn og gera sig fína fyrir eins og eitt annaníJólum-sveitaball, bíðandi eftir Írisi og stelpunum.. haha... það gat verið gaman!