Þessi síða er nú bara að lognast út af....

Svei mér þá, nei, áramótaheitið mitt var ekki að vera latari á þessu ári. Held að það sé nú ekki hægt hehe. En ég held nú að ástæðan fyrir lítilli hreyfingu á síðunni sé að kannski er ekki mikið nýtt í fréttum... eða ja... nei ok þetta er bara LETI.

En síða síðast þá er eins árs pjakkurinn kominn í sitt eigið herbergi, voða ánægður með það, leikur sér stundum þar inni, ægilega ánægður, en ekki alveg sömu sögu að segja um að sofna þar hmmmm! En það hefst að lokum.

Síðasta laugardagskveld var okkur hjónaleysum boðið á galahátíð Glitnis en það var í annað sinn sem þessi hátíð var haldin.
Ótrúlega fínt kvöld, síðkjólar og smóking var klæðnaðurinn sem fólk átti að mæta í. Ég reyndi nú að fá Ingva til að skipta, hann færi í síðkjól og ég smóking... það stóð nefninlega hvergi neitt um það á boðskortinu hver ætti að vera í hverju ;)
En hann gaf sig ekki og mætti í sínum smóking.

Boðið var haldið í nýja hlutanum af Laugardalshöllinni og þar mættum við á grútskítugum Cheeroke... og úfff.. þá leist mér ekki á það... rauður dregill frá dyrum og eflaust um sex -átta þjónar sem röðuðu sér upp á dreglinum, Ingvi var svo sætur að keyra mér upp að fyrst svo ég þyrfti nú ekki að vaða skaflana í háhæluðu skónum.. en einn þjónninn opnaði skítugu bílhurðina og aðstoðaði mig út og svo tóku hver af öðrum að leiða mann inn hehe... já fancy var þetta.
Það var fordrykkur og svo svaka flottur dinner með skemmtiatriðum inn á milli rétta, sem voru sennilega um sex talsins. Held við höfum verið að borða aðalréttinn um klukkan 12 eða hálfeitt eftir miðnætti.
Svo var náttúrulega galadansleikur, Stórsveit Reykjavíkur, Páll Óskar og Kristjana Stefáns léku fyrir dansi... en einnig var þarna diskó og píanóbarsstemming í öðrum sölum.

Gala var sko rétta orðið því þetta var svaka fínt og flott, og var víst mjög vinsælt að komast á þessa hátíð.. fréttum að það hefði verið boðið í miða sem til voru vegna forfalla. En það voru nokkrir þarna... við og aðrir ca. 888manns!
Ég ákvað að draga manninn minn SNEMMA heim... klukkan rúmlega þrjú ;) En þá voru nú flestir að byrja djammið... enda var nú boðið upp á morgunverð þarna líka... egg og beikon.. .en við félagsnördarnir slepptum því.

Jæja, segi ekki meir í bili....

S r o s i n