AgureyrIs

Skelltum okkur til höfuðborgar Norðursins sl. fimmtudag. Skunduðum á nýjum jeppa, já já komin á Japaneeeese eðalvagn, bættum sem sagt við TojÞotusafnið og útkoman svona flott; Tojþota stóri- Landkrúúser, nóg pláss fyrir alla og væntanlega líka. Já, fórum í samfloti við aðra Tojþotufjölskyldu til norðurs. Ferðin gekk vel norður og fundum við orlofshúsið bara strax, kannski þökk sé lokalmanninum mínum eða hvað? Húsið var svaka fínt og rúmaði alla vel.
Tilgangur ferðarinnar var náttúrulega að komast á skíði fyrir þá sem það ætluðu sér og náði Nökkvinn að prufa nýju skíðin sín. Mikið fjör á skíðum þó undirrituð hafi nú ekki skellt sér í þetta skiptið. En það var skíðað, borða og sofið og jú spjallað helling líka ;)
Svo kom að heimleiðinni sem var í gær, sunnudag. Ákváðum að taka daginn snemma og yfirgáfum Akureyri kl. 10:30 en von var á óveðri sem okkur langaði að losna við. Ekki varð okkur alveg að ósk því færðin var ömurleg og meðalhraði ca. 40km/klst. En við mjökuðumst þó í átt að Staðarskála og var þá búið að loka heiðinni... útlit fyrir að Staðarskáli eða Brú yrðu okkar svefnstaður EN fjallamennirnir Ingvi og Gummi láta nú ekki smá rok stoppa sig og fundu því aðra leið sem var vel fær þrátt fyrir aðeins meiri útúrdúr... en fallegur útsýnistúr var það. Allaveganna heim komumst við eftir ca. 9tíma ferðalag frá Akureyri.
Alltaf gott að koma heim þó það sé líka nauðsyn að komast að heiman líka ;)

Ný vika hafin og ekkert nema jákvætt um það að segja....
S r o s i n