Jæja, úr því ég er Vog

...og pendúlast EI-lítið með ákvarðanir þá þarf ég á ykkar skoðun að halda.

Málið er að mér datt snjallræði í hug einn daginn (jamm, ég og mín snjallræði eru stundum ekki til að hrópa húrra yfir). En málið var að mér datt í hug að yfirdekkja gömlu dönsku-eðal-borðstofustólana mína sem var svo sem kominn tími á, en þessu snjallræði fylgdi önnur ósköp en þau voru þannig að ég var mætt eldsnemma einn morguninn í síðustu viku, ásamt þorra iðnaðarmanna landsins, í Byko. Datt mér þá í hug að versla eins og eitt stk. svarta lakkmálningu... já, já, ákvað að mála stólana svarta. En þar sem veðrið leyfði mér ekki að dunda í þessu út á svölum þá var ég komin að því að missa áhugan á þessari hugmynd... þar til í gær, sumardaginn fyrsta, dreif mig út á svalir og vopnuð pensli og svörtu.
Verð að viðurkenna að ég fékk pínu sjokk þegar ég var búin með einn stól.
Er s.s. enn ekki ákveðin hvort ég eigi að ráðast á hina fimm eða kaupa lakkeyði... :S

Því leita ég ráða hjá ykkur... ja eða kannski þér, ef það er amk. einn eftir sem les þetta rugl.

Hvort er nú skemmtilegra?

Svartur.............................................................eða ekki?

S r o s i n