Enn flýgur þessi tími

í dag eru ekki nema þrjár vikur í settan dag... spurning hvort strumpurinn ákveði að vera jafn stundvís og bræður sínir, en Jónas Nói var alveg á settum degi og Nökkvi Reyr degi fyrr... smá að flýta sér ;)
Annars vantar voðalega í mig svona drifkraft, hef ekki fundið fyrir svokallaðri "hreiðurgerð" og ekkert er ready... þarf kannski að fara huga að einhverjum fatagörmum, leiðinlegra ef allt væri skítugt þegar stubbur lætur sjá sig.

En af öðru er nú ekki mikið að frétta... erum enn að horfa í kringum okkur eftir húsi. Skoðuðum tvö í gær, annað gæti komið til greina. Annars erum við með þeim óheppnustu í þessum húsnæðisleitarheimi... það sem vantar í okkur er svona áhættugen.. erum bæði þannig að við þorum ekki að stökkva á eitthvað, veltum þessu svoldið fyrir okkur og svo mánuðum síðar ákveðum við að gera eitthvað í því... hvað gerist þá? jú, jú, auðvitað húsin seld deginum áður, höfum tvisvar lent í því á stuttum tíma. Svo jafnvel þrisvar en það kemur í ljós á morgun hvort hús sem við skoðuðum fyrir nokkrum mánuðum seljist öðrum. En ef ekki þá gæti bara vel verið að við værum að fara í annað sveitafélag... hvur veit!

Jæja, nóg í bili...

Hilsen, S r o s i n