Þessi gullmoli er 2ára í dag

Var hann vakinn með afmælissöng og pakka í morgun. Heldur stúrinn opnaði hann pakkann og leið og það glitti í gjöfina varð minn hamingjusamur "dóóót" sagði hann og varð enn hamingjusamari þegar hann sá hvers konar dót, því upp úr pakkanum kom þessi svaka fíni brunabíll, með hljóðum til að gleðja húsmóðurina ;)

Hann er yndislegur þessi engill, ákveðinn er hann og hikar ekki við að skamma okkur foreldrana "gann mamma" segir hann ef honum mislíkar eitthvað sem ég geri. En svo veit hann líka stundum upp á sig sökina og segir þá á fyrrabragði "gannagrók" sem þýðir skammakrók... og röltir þangað sjálfur og bíður í smá tíma.
En hann er jafn blíður eins og hann er ákveðinn, knúsilíus á hæsta stigi.

Mikið þykir mér vænt um þennan stubb.

Hils. S r o s i n